Andijon viloyatining Xonobod shahri, Toshkent viloyatining Quyi Chirchiq tumani, Qashqadaryo viloyatining Yakkabog‘ tumani hamda Xorazm viloyatining Gurlan tumanlarida valyuta qimmatliklari savdosi bilan shug‘ullanib kelgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Xonobod shahrida fuqaro E.R. fuqaro A.T.ga 3 ming dollarni 38,7 mln so‘mga sotgan vaqtida ushlandi. Tezkor tadbirda 3 ming dollar, 35 950 rubl va 3 ming qirg‘iz somi ashyoviy dalil sifatida olingan.
Shuningdek, Quyi Chirchiq tumanida fuqaro M.A. fuqaro U.B.ga 1,9 ming dollarni 24,7 mln so‘mga, 83 800 rublni 12,9 mln so‘mga va 485 500 tengeni 13,1 mln so‘mga sotgan vaqtida ushlangan.
Shu bilan birga, Yakkabog‘ tumanida fuqaro A.A. fuqaro M.X.dan 3,5 ming dollarni 45,1 mln so‘mga sotib olgan vaqtida ushlangan.
Bundan tashqari, Gurlan tumanida fuqaro A.K. “Gurlan dehqon bozori” AJ oldida fuqaro M.X.dan 350 ming rublni 52 mln so‘mga sotib olgan vaqtida ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Qo‘lga olinayotgan “valyutchik”lar
Buxoro, Xorazm va Toshkent viloyatlarida valyuta qimmatliklari savdosi bilan shug‘ullanib kelgan shaxslar ushlangan edi. Shuningdek, Andijon viloyatining Baliqchi hamda Oltinko‘l, Buxoro viloyatining Peshku tumanida valyuta qimmatliklari savdosi bilan shug‘ullanib kelgan shaxslar ushlangan.
Shu bilan birga, Samarqand viloyatining Ishtixon hamda Oqdaryo tumanlarida valyuta qimmatliklarini noqonuniy muomalaga kiritilishining oldi olingan.
Bundan tashqari, Samarqand viloyatining ikki tumani, shuningdek, Xorazm viloyatining Yangibozor tumanida valyuta ayirboshlash bilan shug‘ullanib kelgan shaxslar ushlangan.
Izoh (0)