Toshkent viloyati Angren shahrida FVB xodimlari soy o‘zanida qolib ketgan fuqaroni qutqardi. Bu haqda FVV matbuot xizmati xabar berdi.
Ma’lum qilinishicha, Angren shahar Favqulodda vaziyatlar bo‘limi navbatchi-dispetcherlik xizmatiga 11-mart kuni soat 15:20 da shahar hududidan oqib o‘tuvchi Qorabog‘soy soyida fuqaro S.J. kuchli yog‘ingarchilik natijasida soy o‘zanida qolib ketgani to‘g‘risida xabar kelib tushgan.
Qutqaruvchilar zudlik bilan voqea joyiga yetib borib, fuqaroni soy o‘zanidan olib chiqqan. Tez tibbiy yordam bo‘limi xodimlari tomonidan unga birinchi tibbiy yordam ko‘rsatilib, shahar markaziy shifoxonasiga yuborilgan. Hozirda fuqaroning ahvoli yaxshi va u shifokorlar nazoratida.
Avvalroq Buxoroda o‘zini yetti qavatli “dom”dan tashlashga uringan 16 yoshli qiz, Farg‘onada uyda qulflanib qolgan ikki nafar bola, Toshkent viloyatida 16 metrli quduqqa tushib ketgan fuqaro qutqarilgani to‘g‘risida xabarlar berilgandi.
Izoh (0)