Namangan viloyatining Pop tumanida Favqulodda vaziyatlar boshqarmasi xodimi birinchi yordam ko‘rsatib, 1 yoshli bolaning hayotini saqlab qoldi. Bu haqda viloyat FVB matbuot xizmati xabar berdi.
Ma’lum qilinishicha, Pop tumani “Birlashgan” MFY hududidagi Selisoy ichki qismiga fuqarolar tomonidan noqonuniy ekib olingan daraxtlarni Namangan viloyati FVB Yong‘in qutqaruv qismlaridan hasharga kelgan xizmatchilar bilan tozalash ishlarini olib borayotgan bo‘lgan.
Shu paytda mahallaning xonadonlarni birida istiqomat qiluvchi ayol tana harorati ko‘tarilishi oqibatida hushini yo‘qotgan va nafas ololmay qolgan 2021-yilda tug‘ilgan o‘g‘il farzandini fuqarolardan yordam so‘rab, ko‘chaga ko‘tarib chiqqan.
Chust tuman Favqulodda vaziyatlar bo‘limi 25-sonli yong‘in qutqaruv qismi yong‘in qutqaruvchisi birinchi yordam ko‘rsatib, bolaning hayotini saqlab qolgan, va bola o‘sha hududdagi eng yaqin tez tibbiy yordamga olib borilgan.
Izoh (0)