Toshkent viloyatida 6 metrli quduq ichida qolib ketgan ikki kishi qutqarib olindi. Bu haqda FVV matbuot xizmati xabar berdi.
Ma’lumotlarga ko‘ra, Toshkent viloyati Toshkent tumani “Bunyodkor” mahallasi Yangi Zarbuloq ko‘chasida yashovchi A.A. ismli fuqaro o‘z xonadonining darvozasi oldidagi oqova suv uchun mo‘ljallangan chuqurligi 6 metrli quduqqa tushib, uning ichidagi yog‘ochlarni olib chiqishga uringan.
Quduq tubida kislorod yetarli bo‘lmaganligi sababli A.A.ning sog‘lig‘i yomonlashib qolgan, shuningdek, unga yordam berish uchun quduqqa tushgan B.U. ning ham ahvoli og‘irlashgan.
Quduq ichidan yordam so‘rab kelayotgan ovozni eshitgan A.A.ning o‘g‘li zudlik bilan qutqaruv xizmatiga qo‘ng‘iroq qilgan.
Voqea joyiga yetib kelgan qutqaruvchilar quduq ichida hushini yo‘qotayozgan ikki nafar fuqaroni yuqoriga olib chiqib, ularga zarur yordamni ko‘rsatgan.
Mavzuga doir:
- Nukusda taqiqlangan joyda cho‘milib, suvda cho‘kayotgan bola qutqarildi. Bola bilan birga cho‘milgan mast erkak oqib ketdi
- Qarshi shahrida eshik qulflanib qolishi oqibatida uyda qolib ketgan ikki nafar bola qutqaruvchilar yordamida olib chiqildi
- Toshkentda Qichqiriq kanalida cho‘kayotgan ayol qutqarildi
Izoh (0)