Andijon viloyati Buloqboshi tumanida 27-mart kuni uy ichida qulflanib qolgan bolalar qutqarib qolindi. Bu haqda Favqulodda vaziyatlar vazirligi xabar qildi.
Qayd etilishicha, Buloqboshi tumani “Qumguzar” MFY Namunali ko‘chasida joylashgan ko‘p qavatli uyning xonadonlaridan birda yashovchi fuqaro tuman FV bo‘limiga qo‘ng‘iroq qilib, ehtiyotsizlik oqibatida eshik qulflanib qolgani va xonadonda 3 nafar yosh bolalari qolib ketganini ma’lum qilgan.
Aytilgan manzilga yetib borgan FVV qutqaruvchilari maxsus asbob-anjomlar yordamida xonadon eshigini ochib, uy ichida qolgan bolalarni onasiga sog‘-salomat topshirgan.
“Barcha ota-onalardan farzandlarini nazoratsiz va yolg‘iz qoldirmaslikni so‘rab qolamiz”, — deyiladi xabarda.
Izoh (0)