23-mart kuni O‘zbekistondagi onlayn savdo platformasida “Manchester Siti” va O‘zbekiston terma jamoasi himoyachisi Abduqodir Husanovning imzosi sotuvga qo‘yildi.
E’lon muallifining ta’kidlashicha, imzo 20-mart kuni O‘zbekiston — Qirg‘iziston terma jamoalari o‘rtasidagi bahsdan keyin futbolchining o‘zi tomonidan qo‘yilgan. Oddiy qog‘ozga qo‘yilgan imzo narxi 500 ming so‘m etib belgilangan.
Mazkur e’lon ijtimoiy tarmoqlarda katta shov-shuvlarga sabab bo‘ldi. Ayrimlar imzo soxtaligini ta’kidlasa, boshqalar esa uning haqiqiy ekanini bildirishdi.
Hozirda e’lon platformadan olib tashlangan. Imzo sotilgan yoki sotuvchi uni o‘zida qoldirishga qaror qilganmi — bu borada aniq ma’lumot yo‘q.
Ma’lumot uchun, Abduqodir Husanov qishki transfer oynasi paytida “Lans”dan “Manchester Siti” safiga ko‘chib o‘tdi. Uning klub bilan shartnomasi 2029-yil yoziga qadar amal qiladi. Transfermarkt portali futbolchining qiymatini 35 million yevroga baholagan.
Izoh (0)