“Manchester Siti” yarim himoyachisi Kevin de Bryuyne klub bilan shartnomasini uzaytirishga tayyor. Bu haqida Euro-football nashri xabar berdi.
Manbaga ko‘ra, futbolchi “shaharliklar” safida o‘zini baxtli his qilmoqda va klub tarkibida yana bir necha yil o‘ynashga tayyor.
Avvalroq jamoa rahbariyati 33 yoshli futbolchi klubning uzoq muddatli rejalarida kirmasligi va uning pozitsiyasiga boshqa futbolchi jalb etish uchun katta mablag‘ sarflashga tayyor ekani aytilgandi. “Siti” yozgi transferlar mavsumida “Bayer” futbolchisi Florian Virtsni o‘z safiga qo‘shib olmoqchiligi hamda u belgiyalik futbolchining o‘rnini egallashi xabar qilingandi.
De Bryuyne “Manchester Siti” safida 2015-yildan beri to‘p surmoqda. Joriy mavsumda belgiyalik futbolchi barcha turnirlarda 30 ta o‘yinda maydonga tushib, 4 ta gol urdi va 7 ta golli uzatma berdi.
Futbolchining Angliya grandi bilan amaldagi shartnomasi ushbu yilning yozida yakuniga yetadi. Transfermarkt portali uning qiymatini 27 million yevroga baholagan.
Izoh (0)