Америкалик тадбиркор, Ҳукумат самарадорлиги бошқармаси (DOGE) раҳбари бўлиб ишлаётган Илон Маск Марказий разведка бошқармаси (CIA) раҳбари билан учрашиб, харажатларни қисқартиришни муҳокама қилмоқчи.
Бу ҳақда Politico газетасига Марказий разведка бошқармаси расмий вакили маълум қилди.
Бир қатор манбалар учрашув 31 март, душанба куни бўлиб ўтишини таъкидламоқда.
“Директор Ретклифф Илон Маскни агентликда ҳукумат фаолияти самарадорлигини муҳокама қилиш учун йиғилишга таклиф қилди”, дея нашр расмий сўзларидан иқтибос келтирмоқда.
Маск ва Ретклифф АҚШ президенти Дональд Трампнинг ҳукумат харажатларини қисқартириш ва уни тартибга солиш режаси контекстида Марказий разведка бошқармаси самарадорлигини муҳокама қилиши кутилмоқда.
6 март куни АҚШ президенти Дональд Трамп Ҳукумат самарадорлиги департаменти (DOGE) раҳбари Илон Маскнинг фаолиятига янги чекловлар қўйгани хабар қилинганди.
DOGE раҳбари бунга жавобан бошқарувда айрим хатоларга йўл қўйганини тан олди. Икки нафар вакилнинг айтишича, Трамп ўз маъмуриятининг юқори лавозимдаги аъзоларига Маск фақат тавсиялар бериш ҳуқуқига эгалигини айтган. Аммо унинг кадрлар ва сиёсат масаласида якка тартибда қарорлар қабул қилиш ҳуқуқи йўқлигини таъкидлаган.
Изоҳ (0)