O‘zbekiston chempionatida noyabr oyining eng yaxshi futbolchisi va murabbiyi aniqlandi.
Unga ko‘ra, “Navbahor” klubi yarim himoyachisi Jamshid Iskanderov eng yaxshi futbolchi deb topildi. U o‘tgan oyida 3 o‘yinda ishtirok etdi va o‘z hisobiga 4 gol va 2 assistni yozdirib qo‘ydi.
Namangan klubini 3 o‘yinda maydonga olib chiqqan Sergey Lushchan 2 g‘alaba va 1 durang qayd etib, oyning eng yaxshi murabbiyi sifatida e’tirod etildi.
Ma’lumot uchun, 43 ochko jamg‘argan “Navbahor” klubi Superligani uchinchi o‘rinda yakunladi va bronza medallarini qo‘lga kiritdi. Jizzaxning “So‘g‘diyona” va Farg‘onaning “Neftchi” klublari ham xuddi shuncha ochko to‘pladi, ammo 3-o‘rin sohibini aniqlashda reglamentga binoan o‘zaro o‘yinlardagi ochkolar hisobga olinib, bu borada Namangan klubiga ustunlik berildi.
Izoh (0)