77 ёшли Арнольд Шварценеггер ҳозирда “Қоп тутган одам” номли комедик жангари фильмида Санта-Клаус ролини ижро этмоқда.
Қаҳрамоннинг сеҳрли қопи ўғирланганида, уни топишда ёрдам сўраш учун болалигида итоатсиз болалар рўйхатига киритилгани сабабли совғасиз қолган собиқ ўғри Венсга мурожаат қилишга қарор қилади. Венс ўзининг кичкина қизи ва омадсиз элфлар гуруҳи билан бирга Рождествони қутқариш учун ҳаётидаги энг масъулиятли топшириқни амалга ошириши керак.
Байрамона фильмнинг эпизодларидан бири тунда Нью Йоркда суратга олинган. Арни чанада, мўйнали оқ-қизил палто ва худди шундай қалпоқ кийган ҳолда эди. Аввалроқ Шварценеггер ҳамкасблари билан бирга Марказий боғда қор ёғаётган яна бир нечта тунги саҳналарда иштирок этганди.
Фильмда “Терминатор” юлдузидан ташқари Аквафина, Жейн Краковски, Кен Жонг, Рожер Барт ва Майкл Сирил Крейтон иштирок этган. Венс ролини Алан Ричсон ижро этади, у ҳам ушбу лойиҳага продюсерлик қилади. Режиссёрлик курсисида эса Адам Шенкман.
Изоҳ (0)