Isroil armiyasi sakkiz kundan buyon Iordan daryosining bosib olingan g‘arbiy qirg‘og‘ining shimoliy qismida hujumlarni kengaytirishda davom etmoqda.
Guvohlarning aytishicha, Isroil harbiylari Tulkarm shahri hamda Tulkarm va Nur-Shams qochqinlar lagerlarida reydlar o‘tkazgan. Tulkarm qochqinlar lageri Xalq qo‘mitasi raisi Faysal Salamaga ko‘ra, harbiylar o‘nlab oilalarni uylaridan ko‘chirgan, bosib olingan uylarni esa kazarmalarga aylantirgan.
Falastinliklardan “tirik qalqon” sifatida foydalanilmoqda
Salamaning ta’kidlashicha, Isroil harbiylari falastinliklardan tirik qalqon sifatida foydalanmoqda. Falastinlik amaldorning so‘zlariga ko‘ra, Isroil armiyasi lager infratuzilmasini buzishni boshlagan.
Isroil armiyasi 21-yanvardan beri Iordan daryosining G‘arbiy qirg‘og‘idagi Jenin shahri va xuddi shu nomdagi qochqinlar lageriga shiddatli hujumlarni davom ettirmoqda, biroz avvalroq esa Tulkarmda ham hujumlar boshlangan. Netanyaxuning tushuntirishicha, operatsiyaning maqsadi Jeninda terrorizmni ildizi bilan yo‘q qilishdan iborat. Falastindagi “Islomiy jihod” tashkilotining harbiy qanoti hisoblanmish “Saraya al-Quds” guruhi Isroil hujumiga qarshi turganini ma’lum qildi.
Isroil armiyasi ma’lumotlariga ko‘ra, Tulkarm va shu nomdagi lagerga hujumlarda ko‘plab isroillik harbiylar ishtirok etgan. Isroil dronlari Tulkarmda avtomobilga zarba berishi oqibatida 2 nafar falastinlik halok bo‘ldi, yana 3 kishi yaralandi.
Jeninga ham hujumlar davom etmoqda
Isroil harbiylari 21-yanvardan beri Iordan daryosining G‘arbiy qirg‘og‘i shimolida joylashgan Jeninga ham hujumlarni davom ettirmoqda.
Falastinliklarning mol-mulki hujum nishoniga aylangan. Hozirga qadar 16 nafar falastinlik, shu jumladan bir bola halok bo‘lgani, yana 50 kishi yaralangani ma’lum qilindi.
19-yanvar kuni G‘azo sektorida o‘t ochishni to‘xtatish to‘g‘risidagi bitim kuchga kirgandan so‘ng, Isroil armiyasi 1-yanvar kuni bosib olingan Iordan daryosining G‘arbiy sohilining shimoliy qismidagi Jenin shahrida “Temir devor” nomli operatsiyani boshladi.
Isroil armiyasining Jenin shahri va xuddi shu nomdagi qochqinlar lageriga davom etayotgan hujumlarida 16 nafar falastinlik halok bo‘ldi, 50 ga yaqin kishi yaralandi. Armiya transport, suv, elektr energiyasi va aloqa infratuzilmasiga zarar yetkazmoqda, shuningdek, mintaqadagi uylarni vayron qilmoqda.
2023-yil 7-oktyabrda G‘azoda genotsid boshlanganidan beri bosib olingan Iordan daryosining G‘arbiy qirg‘og‘i va Sharqiy Quddusda Isroil armiyasining qo‘lga olishlari, reydlari va falastinliklarga hujumlari ko‘paydi.
Izoh (0)