Isroil bosh vaziri Binyamin Netanyaxu Iordan daryosining g‘arbiy sohilini anneksiya qilish muddati haqida ma’lumot berdi: yerlar iyul oyida o‘zlashtiriladi. Bu haqda mahalliy televideniyega tayanib, Reuters xabar bergan.
Ushbu masala yuzasidan Isroil Vazirlar mahkamasining birinchi yig‘ilishi 1-iyulda bo‘lib o‘tadi. Mamlakat bosh vazirining fikricha, yahudiylar davlatiga 1948-yilda asos solinganidan buyon ilk bor Iudeya va Samariya ustidan suverenitet (hududiy yaxlitlik) o‘rnatishga yaqin turibdi.
“Bu biz uchun real imkoniyat, uni qo‘ldan chiqarmoqchi emasmiz”, — deya Netanyaxu so‘zlarini keltirgan agentlik.
Isroil hukumati rahbari belgilangan muddatni o‘zgartirmoqchi emasligini ham ta’kidlab o‘tgan.
Mavzuga doir: Isroilda Binyamin Netanyaxu ustidan sud boshlandi. Mamlakat tarixida birinchi bor amaldagi bosh vazir ayblanuvchiga aylandi
Netanyaxu Falastin hududlarini o‘zlashtirish vaqti kelgani haqida Knessetning 17-mayda o‘tkazilgan yig‘ilishida gapirgandi. U saylovdan avvalgi uchrashuvlar vaqtida ham ushbu ishni amalga oshirishi haqida va’da bergandi.
Mavzuga doir: Mahmud Abbos Falastin AQSh va Isroil bilan barcha kelishuvlardan chiqishini e’lon qildi
1967-yilda Iordan g‘arbiy sohilidagi Iudeya va Samariyada isroilliklardan iborat aholi yashash joylari tashkil etilgan. BMT xavfsizlik kengashi ushbu hududlarni bosib olingan deb hisoblaydi, Isroil esa ularning bahsli yerlar ekanini ta’kidlab keladi.
Izoh (0)