Turkiyada tayyorgarlik ko‘rayotgan “Paxtakor” Antaliyadagi ikkinchi yig‘ini doirasida 24-yanvar, juma kuni o‘rtoqlik uchrashuvida maydonga tushdi.
Serbiyaning “Radnichki Nish” jamoasiga qarshi bahsning ikkinchi bo‘limida serblar ikkita gol urgan bo‘lsa, toshkentliklardan Diyor Xolmatov bitta goli bilan javob qaytardi, xolos – 1:2.
O‘rtoqlik maqomidagi o‘yin janjal sababli erta yakunlandi. Zaxiradan maydonga tushgan Dostonbek Hamdamov 85-daqiqada raqib o‘yinchisiga nisbatan qo‘pollik ishlatgach, serbiyalik himoyachi o‘rnidan turib orani ochiq qilishga tushdi va bu janjal ikki jamoaning ommaviy tortishuviga aylanib ketdi. Natijada polshalik hakamlar o‘yinni 87-daqiqadayoq yakunlashga majbur bo‘ldi.
Izoh (0)