Shavkat Mirziyoyev 22-yanvar kuni O‘zbekistonda tashrif bilan bo‘lib turgan Rossiya mudofaa vaziri Andrey Belousovni qabul qildi.
Prezident matbuot xizmatining ma’lum qilishicha, uchrashuv avvalida Rossiya mudofaa idorasi rahbari O‘zbekiston yetakchisiga Rossiya prezidenti Vladimir Putinning salomi va eng ezgu tilaklarini yetkazdi.
-_f8A5q_b.jpg)
O‘zbekiston—Rossiya keng qamrovli strategik sheriklik va ittifoqchilik munosabatlarini Rossiya prezidentining 2024-yil may oyida O‘zbekistonga davlat tashrifi chog‘ida erishilgan kelishuvlarni amalga oshirish nuqtayi nazaridan yanada rivojlantirish va mustahkamlash masalalari ko‘rib chiqildi.
Qabul qilingan dasturiy va reja hujjatlariga muvofiq ikki mamlakat mudofaa idoralari hamkorligini kengaytirish muhimligi qayd etildi.
Rossiya mudofaa vaziri Andrey Belousov 21-yanvar kuni rasmiy tashrif bilan Toshkentga kelgandi. U tashrif davomida o‘zbekistonlik hamkasbi Shuhrat Xolmuhamedov bilan 2025-yilga mo‘ljallangan hamkorlik rejasi va 2026—2030-yillarga mo‘ljallangan harbiy sohada strategik hamkorlik dasturini imzoladi.
2025-yilgi hamkorlik rejasi ikki mamlakat harbiy idoralari faoliyatining barcha yo‘nalishlari bo‘yicha 50 ta qo‘shma tadbirni o‘z ichiga oladi.
Izoh (0)