Жиззах вилоятининг Арнасой тумани, “Наврўз” МФЙ ҳудудидаги Айдар-Арнасой кўллар тизими ҳудудида рейд ўтказилди. Бу ҳақда Экология вазирлиги хабар берди.
Маълум қилинишича, рейд давомида Самарқанд вилоятининг Нарпай туманида яшовчи С. М. ва С. С. ноқонуний балиқ овлагани учун ушланди.
Текширув давомида қоидабузарлар ёнида 145 кг га яқин балиқ ва балиқ овлаш воситалари борлиги аниқланди. Ҳодиса оқибатида табиатга етказилган зарар миқдори 487 млн сўмни ташкил қилган.
Ҳолат юзасидан суд органларига тақдим этиш ва қонуний чоралар кўриш учун тегишли ҳужжатлар тайёрланди.
Ноқонуний балиқ овлаш
Аввалроқ Айдар-Арнасой кўлларида 2024 йили ноқонуний ов оқибатида табиатга 1,7 млрд сўмлик зарар етказилгани ҳақида хабар берилганди.
Шунингдек, Навоийда ноқонуний балиқ овлаган шахслар табиатга 6,3 млрд зарар етказгани ҳақида хабар берилганди.
Бундан ташқари, Сурхондарё вилояти Шўрчи туманида ноқонуний балиқ овланиши натижасида табиатга 1,4 миллиард сўм зарар етказилган эди.
Ўзбекистон ҳудудида 2025 йил 1 сентябрдан 2028 йил 1 январгача ов қилишга мораторий жорий қилиниши мумкинлиги айтилганди.
Изоҳ (0)