Hindistonning shimoli-g‘arbiy Rajastan shtatida quduqqa tushib ketgan qizni qutqara olishmayapti, deb xabar bermoqda India Times nashri.
Chetna ismli uch yashar qizaloq olti kundirki 45 metrli chuqurlikda qolmoqda. OAVning yozishicha, 130 soat davomida oziq-ovqatsiz qolayotgan qiz besh kundan buyon hech qanday harakat belgilarini ko‘rsatmagan. Olti kundan beri davom etayotgan qutqaruv operatsiyasidan hozircha hech qanday natija bo‘lgani yo‘q.
“Ayni damda qutqaruv operatsiyasi yakuniy bosqichda. Mutaxassislar yerni 50 metrdan ortiq chuqurlikda burg‘ulashga muvaffaq bo‘lishdi. Qutqaruvchilar Chetnada joylashgan quduqqa tunnel yasashga harakat qilmoqda”, deyiladi India Times xabarida.
2022-yili shunga o‘xshash voqea Marokashda sodir bo‘lgan, chuqurligi 32 metr bo‘lgan quduqqa tushib ketgan besh yashar Rayan ismli bola qutqaruvchilar yetib borguncha vafot etgandi.
Chiroqchida artizan quduqqa tushib ketgan 6 yoshli bola bir kun o‘tib qutqarilgan, maxsus qutqaruv operatsiyasida “Qalqama” mahallasida yashovchi 8-sinf o‘quvchisi Ozodbek Yo‘ldoshev ham qatnashib, quduqning tor tuynugidan o‘tib, bolakayni olib chiqqandi.
Afg‘onistonda 25 metrli quduqqa tushib ketgan va oradan deyarli uch kun o‘tib olib chiqilgan bola halok bo‘lgandi.
Izoh (0)