Марокаш шимолидаги Игран қишлоғида беш яшар Райан исмли бола 1 февраль куни чуқурлиги 32 метр бўлган қудуққа тушиб кетди. Қудуққа камера туширилди, қурилма бола жароҳат олган бўлса-да, тирик эканини кўрсатди, деб ёзади Meduza.
Райанни олиб чиқиш учун қудуқ ёнидан тешик қазиб, бола турган чуқурликка етиб боришга, кейин қудуқ деворини тешишга қарор қилинди. Тупроқ чўкиши хавфига қарамай, иш тун-у кун давом этди.
Беш кун давом этган қутқарув операциясига фуқаро мудофааси бўлинмалари, жандармерия ва ёрдамчи кучлардан (Марокашдаги ички қўшинларнинг аналоги) ўнлаб одамлар, шунингдек, шифокорлар ва мина қутқарувчилари жалб этилди.
Қутқарув операциясини бутун дунё кузатиб борди. #SaveРайан хештеги Twitter’да энг оммалашган хештеглардан бири бўлди. Операция жойидан Al Jazeera ва Reuters аккаунтларида жонли эфирлар узатилди.
https://www.instagram.com/p/CZhP3yXqAqw/
5 февраль, шанба куни Тошкент вақти билан ярим тунда қутқарувчилар қудуқ тубига етиб борди. Афсуски, Райан Орам ўлик ҳолда топилди, унинг жасади қариндошларига топширилди. Марокаш қироли Муҳаммад VI боланинг ота-онасига ҳамдардлик билдирди.
Изоҳ (0)