Афғонистоннинг Зобул вилоятида 25 метрли қудуққа тушиб кетган ва орадан деярли уч кун ўтиб олиб чиқилган бола ҳалок бўлди. Бу ҳақда «Толибон» сиёсий идорасининг матбуот котиби Анас Ҳаққоний Twitter’да маълум қилди.
«Афсуски, болакай Ҳайдар бизни абадий тарк этди. Мамлакатимиз бугун яна бир улкан фожиани бошдан кечирмоқда», — деб ёзган Ҳаққоний Twitter’да.
9 яшар Ҳайдар исмли бола йўлда йиқилиб, қудуққа тушиб кетганди. Тахминан 25 метрли чуқурдан уни чиқариш ишлари деярли уч кун давом этган. Қутқарувчилар болани олиш учун 15 метрли туннел қазиган ҳамда уни кислород ва озиқ-овқат билан таъминлашга муваффақ бўлган.
Сал аввал Афғонистоннинг Бахтар агентлиги 96 соат давом этган операциядан кейин бола қутқарилгани ҳақида хабар берганди. Ҳайдар вертолёт ёрдамида шифокорлар назоратига юборилгани ҳам қайд этилган.
Эслатиб ўтамиз, 1 февраль куни Марокашда беш яшар Райан исмли бола чуқурлиги 32 метр бўлган қудуққа тушиб кетганди. Унга ёрдам бериш операцияси беш кун давом этган, аммо қутқарувчилар кеч қолган.
Изоҳ (0)