Futbol bo‘yicha O‘zbekiston Superligasining 20-turidan o‘rin olgan o‘yin 26-sentyabr, payshanba kuni bo‘lib o‘tdi.
“Dinamo” “Surxon”ga qarshi bahs olib bordi va 3:0 hisobida g‘alaba qozondi. Samaqandliklar tarkibida Anvarjon Hojimirzayev, Hislat Halilov va Salim Mustafoyevlar gol muallifiga aylandi. Qayd etib o‘tish joiz, “Surxon” tarkibida Dostonbek Tursunov qizil kartochka olib, maydonni tark etdi.
“Navbahor” esa “So‘g‘diyona”ga qarshi maydonga tushdi. Birinchi bo‘limda darvozalar ishg‘ol etilmadi. Ikkinchi bo‘lim boshida jizzaxliklar futbolchisi Vladimir Yovovich hisobni ochdi. 51-daqiqada esa Yovovichning o‘zi ikkinchi golga mualliflik qildi. 69-daqiqada Yovovich het-trik qayd etdi. Qolgan daqiqalarda darvozalar ishg‘ol etilmadi va “So‘g‘diyona” 3:0 hisobida g‘alaba qozondi.
Bugungi bahslardan so‘ng turnir jadvali quyidagicha ko‘rinish oldi:
Superliga
20-tur
26-sentyabr, payshanba
“Dinamo” – “Surxon” 3:0
Gollar: Anvarjon Hojimirzayev, 55 (1:0), Hislat Halilov, 81 (2:0), Salim Mustafoyev, 90+1 (3:0).
“Navbahor” – “So‘g‘diyona” 0:3
Gollar: Vladimir Yovovich, 49, (0:1), Vladimir Yovovich, 51 (0:2), Vladimir Yovovich, 69 (0:3).
Izoh (0)