Bugun, 14-noyabr, payshanba kuni Parijdagi “Stad de Frans” stadionida Millatlar Ligasining 5-tur o‘yinlari bo‘lib o‘tadi.
RMC Sport xabariga ko‘ra, seshanba kungi holatiga ko‘ra, 80 000 tomoshabinga mo‘ljallangan stadionda o‘yin uchun bor yo‘g‘i 20 000 chipta sotilgan.
Katta ehtimol bilan, bugungi o‘yin Fransiya terma jamoasining “Stad de Frans”dagi o‘yinlari tarixida tomoshabinlar soni bo‘yicha antirekord o‘rnatishi mumkin.
Aytilishicha, Isroil bilan o‘yinga tashrif buyuruvchilar kam bo‘lishiga sabab sifatida o‘tgan hafta payshanba kuni Amsterdamda Tel-Avivning “Makkabi” muxlislariga uyushtirilgan hujumlar ko‘rsatilmoqda.
Shuningdek, “Stad de Frans” stadioni maydonga muxlislarning kirib kelishiga yo‘l qo‘ymaslik uchun tepasida shpiklar o‘rnatilgan panjaralar bilan o‘ralgani ma’lum qilingan. Tribunalardagi birinchi qatorlar brezent bilan qoplangan.
Avvalroq Isroil rasmiylari o‘z fuqarolariga Fransiya bilan Parijdagi o‘yinga bormaslikni, Amsterdamdagi teraktlardan keyingi haftada sport va madaniy tadbirlarda ishtirok etmaslikni tavsiya qilgan edi.
Izoh (1)
Bundan batar bo‘lsin
Bayam kam xali