Бугун, 14 ноябрь, пайшанба куни Париждаги “Стад де Франс” стадионида Миллатлар Лигасининг 5-тур ўйинлари бўлиб ўтади.
RMC Sport хабарига кўра, сешанба кунги ҳолатига кўра, 80 000 томошабинга мўлжалланган стадионда ўйин учун бор йўғи 20 000 чипта сотилган.
Катта эҳтимол билан, бугунги ўйин Франция терма жамоасининг “Стад де Франс”даги ўйинлари тарихида томошабинлар сони бўйича антирекорд ўрнатиши мумкин.
Айтилишича, Исроил билан ўйинга ташриф буюрувчилар кам бўлишига сабаб сифатида ўтган ҳафта пайшанба куни Амстердамда Тель-Авивнинг “Маккаби” мухлисларига уюштирилган ҳужумлар кўрсатилмоқда.
Шунингдек, “Стад де Франс” стадиони майдонга мухлисларнинг кириб келишига йўл қўймаслик учун тепасида шпиклар ўрнатилган панжаралар билан ўралгани маълум қилинган. Трибуналардаги биринчи қаторлар брезент билан қопланган.
Аввалроқ Исроил расмийлари ўз фуқароларига Франция билан Париждаги ўйинга бормасликни, Амстердамдаги терактлардан кейинги ҳафтада спорт ва маданий тадбирларда иштирок этмасликни тавсия қилган эди.
Изоҳ (1)
Bundan batar bo‘lsin
Bayam kam xali