Futbol bo‘yicha Millatlar Ligasining 4-turidan o‘rin olgan qator uchrashuvlar 13-iyun tunida bo‘lib o‘tdi.
Fransiya terma jamoasi o‘z maydonida Xorvatiyani qabul qildi va 0:1 hisobida imkoniyatni boy berib qo‘ydi. Uchrashuv taqdirini hal qilib bergan yagona golni 5-daqiqada Luka Modrich penaltidan kiritdi.
Shu tariqa musobaqaning amaldagi g‘olibi Fransiya terma jamoasi unvonni himoya qilish imkoniyatidan mahrum bo‘ldi. Jamoa guruh bosqichining 4-turidan keyin 2 ochko bilan ikkinchi o‘rinda bormoqda, Didye Desham shogirdlarining chempion bo‘la olmasligi ma’lum bo‘lib ulgurdi.
Daniya Avstriyani mehmon qilib, ishonchli g‘alabani qo‘lga kiritdi, Ozarbayjon esa Belarusdan ustun keldi.
Millatlar Ligasi
4-tur bahslari
13-iyun, dushanba
Fransiya – Xorvatiya 0:1
Gol: 0:1 – 5, penalti Modrich.Fransiya: Menyan, Kunde (Pavar, 46), Kimpembe, Konate, Din, Rabyo, Kamara (Tchuameni, 46), Genduzi (Grizmann, 80), Nkunku (Koman, 73), Benzema, Mbappe.
Xorvatiya: Ivushich, Stanishich, Erlich, Shutalo, Yuranovich, Modrich, Kovachich (Suchich, 90), Brozovich, Pashalich (Mayer, 65), Brekalo (Vlashich, 73), Budimir (Kramarich, 73).
Ogohlantirishlar: Genduzi (18), Brozovich (50), Pavar (62), Rabyo (67).
Izoh (0)