Arab davlatlari ligasi va Islom hamkorlik tashkiloti davlatlari Isroilga qurol yetkazib berishni cheklashga harakat qiladi. Ar-Riyoddagi sammit yakuniy bayonoti yuzasidan Al Hadath telekanali xabar berdi.
Unga ko‘ra, hujjatda sammit ishtirokchilari “Isroilga qurol-yarog‘ eksport qilishni taqiqlash ustida ishlashi” belgilangan. Shuningdek, hujjatda dengiz transporti yo‘laklarini himoya qilishni ta’minlash zarurligi ta’kidlangan.
Yakuniy bayonot loyihasiga ko‘ra, Arab Ligasiga a’zo davlatlar va Islom hamkorlik tashkiloti davlatlari Livan hukumatiga gumanitar yordam ko‘rsatish va respublika iqtisodiyotini qo‘llab-quvvatlash uchun zarur choralar ko‘rish niyatida.
Saudiya Arabistoni poytaxtida Arab Ligasi va Islom hamkorlik tashkiloti davlatlarining Yaqin Sharqdagi vaziyatga bag‘ishlangan ikkinchi navbatdan tashqari sammiti bo‘lib o‘tmoqda.
Uchrashuv ishtirokchilari G‘azo sektori va Livandagi mojarolar bo‘yicha umumiy pozitsiyani ishlab chiqmoqda, tinch aholini himoya qilish va qo‘llab-quvvatlash yo‘llarini muhokama qilmoqda, shuningdek, Isroil agressiyasini to‘xtatish uchun xalqaro hamjamiyatga bosim o‘tkazishga harakat qilmoqda.
Izoh (0)