Falastin — Isroil urushi fonida AQSH prezidenti Jo Bayden 18-oktyabr kuni ertalab Isroilga rasmiy tashrif bilan keldi.
Amerika yetakchisining samolyotini Ben Gurion aeroportida shaxsan bosh vazir Benyamin Netanyaxu va Isroil prezidenti Isaak Gersog kutib oldi.
Isroilga tashrif buyurishdan tashqari, Bayden G‘azo sektoridagi vaziyat bo‘yicha to‘rt tomonlama sammit uchun Iordaniyaga borishni ham rejalashtirgandi, unda Iordaniya qiroli Abdulla II, Misr prezidenti Abdulfattoh as-Sisiy va Falastin ma’muriyati rahbari Mahmud Abbos ham ishtirok etishi kutilayotgan edi.
Bu uchrashuv 17-oktyabr oqshomida G‘azodagi Al-Ahli kasalxonasiga Isroil tomonidan uyushtirilgan hujum tufayli bekor qilindi. G‘azo sektori sog‘liqni saqlash vazirligi ma’lumotlariga ko‘ra, shifoxona portlashi 500 dan ortiq odamning hayotiga zomin bo‘lgan. Al-Arabiya qurbonlar soni 800 kishidan oshganini yozdi. Halok bo‘lganlar haqida rasmiy ma’lumotlar yo‘q.
Izoh (0)