Singapurda sud opasiga ukasining xonani tozalash uchun sakkiz yilga kirishni taqiqladi, deb yozadi Mothership nashri.
40 yoshli ayol tozalash uchun muntazam ravishda ukasining xonasiga kirgan. Erkak bunga qat’iyan qarshilik qilgan va opasi uni tinglashdan bosh tortgani uchun bir necha bor asabiy tushkunlik bilan kasalxonaga yotqizilgan. Oxir-oqibat kelishmovchilik oilaviy sudga murojaat qilishgacha borgan.
Ukaning ta’kidlashicha, opasi uning shaxsiy makoniga bostirib kirgan va bu uning ruhiy salomatligiga salbiy ta’sir ko‘rsatgan. Opa o‘z harakatlarini tozalikni saqlash zarurati bilan izohlagan. Ayolning so‘zlariga ko‘ra, bu ishni undan boshqa hech kim qilmagan.
Sudya ishni ko‘rib chiqayotganda, sudlanuvchi o‘z xatti-harakatining oqibatlarini tushunmaganiga va uning harakatlari da’vogarga nisbatan psixologik zo‘ravonlikka olib kelganini aytgan. Sud uning ukasi tomonida bo‘lib, oiladagi shaxsiy chegaralarni himoya qilish zarurligini ta’kidlagan.
Izoh (0)