Garvardda doktorlik unvonini olgan ilk o‘zbekistonlik bo‘lgan Botir Qobilov, Jizzaxda 48 yoshli ayolni urib yuborgan tez yordam mashinasi, Xorazmda o‘qituvchi darsda o‘quvchini ayovsiz kaltaklashi — “Daryo” nashri bugun, 24-mayda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Jizzaxda tez yordam mashinasi 48 yoshli ayolni urib yubordi
U yo‘lni piyodalar uchun belgilangan qismidan kesib o‘tayotgan bo‘lgan.
Amudaryo yuqori va o‘rta oqimida suv toshqinlari bo‘lishi kutilmoqda
Sun’iy yo‘ldoshdan olingan tasvirlarda Amudaryoda suv sathining ko‘tarilgani kuzatilgan.
Xorazmda “layk” yig‘ish maqsadida Spark oynasini sindirib, bir-birini haqorat qilgan yigitlar qamaldi
Ular obunachilar sonini oshirish maqsadida Urganch shahrida videorolik ishlab, ijtimoiy tarmoqlarda tarqatgan.
Namanganda qariyb 80 mln rublni Qirg‘izistonga noqonuniy o‘tkazmoqchi bo‘lgan shaxsga sud hukmi o‘qildi
U bunday noqonuniy harakatni muqaddam 4 marotaba amalga oshirgan.
Botir Qobilov Garvardda doktorlik unvonini olgan ilk o‘zbekistonlik bo‘ldi
U Garvardga kirishdan avval Dyuk universitetida magistrlik, Singapur menejmentni rivojlantirish institutida bakalavr darajalarini olgan.
Xorazmda o‘qituvchi darsda o‘quvchini ayovsiz kaltakladi
Voqeadan keyin o‘qituvchi ishdan bo‘shatilgan.
Energetika vazirligi tendersiz tuzilayotgan shartnomalar bo‘yicha izoh berdi
Vazirlik bozordagi eng yirik ishlab chiqaruvchi kompaniyalar bilan to‘g‘ridan to‘g‘ri muzokaralar olib borib, eng past va maqbul narxlarni tanlab, ularni qisqa muddatda ishga tushirishni rejalashtirgan.
Toshkent viloyatida Toyota Prado uchta avtomobil bilan to‘qnashdi
Haydovchisi voqea joyida vafot etdi.
Farg‘onada 18 yoshli yigit tanishining bo‘yniga pichoq tiqib, qochib ketdi (video)
Holat kutilmaganda sodir bo‘lgan: jabrlanuvchi yo‘l bo‘yida turganida yigit uning orqasidan kelib pichoqlagan.
Shavkat Mirziyoyev va Vladimir Putin O‘zbekiston—Rossiya hududlari kengashining birinchi yig‘ilishida ishtirok etadi
Bo‘lajak uchrashuv kun tartibidan ikki mamlakat o‘rtasidagi keng qamrovli strategik sheriklik munosabatlarini yanada rivojlantirish masalalari o‘rin olgan.
Saida Mirziyoyeva o‘zi o‘qigan litseyga borib, ustozi bilan ko‘rishdi (video)
“Eng shirin xotiralarim uyg‘ondi”, — deydi prezident yordamchisi.
Shavkat Mirziyoyev maktab bitiruvchilariga tabrik yo‘lladi
Davlat rahbari tabrigida yoshlarning yangi g‘oya va tashabbuslari, ishtiyoqlari va kuchi nafaqat O‘zbekistonni, balki butun dunyoni o‘zgartirishi mumkinligi aytilgan.
Komil Allamjonov Garvardda doktorlik unvonini olgan Botir Qobilovni tabrikladi
Prezident administratsiyasi Axborot siyosati departamentining rahbarining yozishicha, isteʼdodli va aql-zakovatli o‘zbekistonliklarning dovrug‘i jahonga taralishi lozim.
Izoh (0)