Isroil Falastinning HAMAS harakati bilan sulh tuzish uchun yangi shartni ilgari surdi va bu muzokaralar jarayonini murakkablashtirdi. Bu haqda manbalarga tayanib, Reuters xabar berdi.
Ma’lumotlarga ko’ra, Isroil G‘azo sektori janubidan shimolga qaytgan tinch aholi vakillarini ko‘rikdan o‘tkazishni talab qilgan. G‘arb rasmiylari “tekshiruv mexanizmi”ni Isroil hukumati aholining qaytgan qismi HAMASga qo‘shilishidan qo‘rqishi bilan bog‘ladi. HAMAS mazkur talabni allaqachon rad etgani aytilmoqda.
Bundan tashqari, yahudiy davlati harbiy harakatlarni to‘xtatish uchun G‘azo va Misr o‘rtasidagi chegarani nazoratiga olishini bildirgan. Qohira mazkur talabni sulh bitimi doirasidan tashqarida deb hisoblagan.
Isroil va HAMAS o‘rtasidagi urush to‘qqiz oydan beri davom etmoqda. Yahudiy davlatining G‘azo sektorida boshlagan jangovar harakatlari oqibatida 39 mingdan ortiq odam halok bo‘ldi. Isroil tomonida yo‘qotishlar 7-oktyabrdagi hujum bilan birga 1,2 ming kishini tashkil etmoqda.
Izoh (0)