Isroil Mudofaa vazirligi Iron Beam lazerli havo mudofaa tizimlarini yetkazib berish bo‘yicha 500 million dollarlik shartnomalarni imzoladi.
Bu haqda Isroil Mudofaa vazirligi bosh direktori Eyal Zamirga tayanib, The Times of Israel nashri xabar berdi.
“Ushbu kelishuv yangi davr — lazerli mudofaa tizimi davri boshlanganini anglatadi”, dedi Zamir.
Uning so‘zlariga ko‘ra, 2025-yil davomida havo hujumiga qarshi mudofaa tizimidagi birinchi yer ustidagi lazerli qurilmalar ishga tushiriladi.
Ushbu qurollarni yetkazib berish bo‘yicha kelishuvlarga Mudofaa vazirligi va Isroil mudofaa kuchlarining qo‘shma organi bo‘lgan Qurol va texnologik infratuzilmani tadqiq qilish, rivojlantirish boshqarmasi hamda Rafael Advanced Defence Systems, shuningdek, Elbit Systems mudofaa kompaniyalari erishgan edi.
Iron Beam turli xil havo nishonlari, jumladan, raketalar va minomyotlar, dronlar va qanotli raketalar bilan kurashish uchun mo‘ljallangan. Bu qurilmalar Isroilning ko‘p qatlamli mudofaa tizimining bir qismiga aylanishi va “Temir gumbaz” raketaga qarshi mudofaa tizimini to‘ldirishi kerak.
Rafael Advanced Defence Systems bosh direktori Yoav Turgeman bu ishlanmalar bir necha yil davom etganini va hozirda foydalanishga tayyor bo‘lgan bunday lazer tizimlari butun dunyo bo‘ylab birinchi bo‘lib ishlayotganini ta’kidlagan.
Izoh (0)