Eron hukumati vakili 19-aprel kuni Eronga o‘tgan tunda raketa hujumi sodir etilmaganini, Isfahon shahri yaqinida eshitilgan portlashlar Eron havo hujumidan mudofaa tizimlarining faollashishi natijasida sodir bo‘lganini aytdi, deya xabar berdi Reuters.
Oldinroq Eron davlat televideniyesi Isfahon osmonida uchta dron aniqlangani haqida xabar bergan edi. Havo mudofaasi faollashtirilgan va dronlarni yo‘q qilgan. Biroz vaqt o‘tgach, tungi hujum natijasida hech kim jabrlanmagani haqida aytilgan. OAVning so‘nggi ma’lumotlariga ko‘ra, Isfahon shahrida tunda eshitilgan shovqin havo hujumi mudofaasining shubhali obyektga qaratilgan operatsiyalari tufayli yuzaga kelgan.
Kecha tunda Isroil Erondagi obyektga raketa hujumi uyushtirgani haqida xabar berilgan edi. Eron davlat matbuotiga ko‘ra, portlashlar Isfahon aeroporti yaqinida sodir bo‘lgan, ularning sabablari ochiqlanmagan.
Eron Kosmik agentligi matbuot kotibi Husayn Dalirian “bir nechta” dronlar “muvaffaqiyatli urib tushirilganini” aytgan.
Ayni paytda raketa hujumi haqida xabarlar yo‘q, — deb yozgan u X ijtimoiy tarmog‘ida.
17-aprel kuni Isroil OAV Eron hujumiga javob qaytarishga qaror qilgani, ammo javob zarbasi uchun hali muddat belgilanmagani haqida xabar bergan edi.
Izoh (0)