Isroilning Ramat Hasharon shahrida yuk mashinasi chorrahadagi avtobus bekatiga borib urildi, 33 kishi jarohatlanadi. Bu haqda Times of Israel xabar berdi.
Ma’lum qilinishicha, olti kishining ahvoli og‘ir. Hodisa Glilot harbiy bazasi yaqinidagi bekatda sodir bo‘lgan. Politsiya bu terrorchilik hujumi bo‘lishi mumkinligini taxmin qilmoqda.
Yuk mashinasi to‘xtash joyida turgan va yo‘lovchilarni tushirayotgan avtobusga borib urilgan. Yuk mashinasi haydovchisi “zararsizlantirilgan”. Hodisa tufayli harakatlanish qisman to‘sib qo‘yilgan. Voqea tafsilotlariga aniqlik kiritilmoqda.
Ma’lumot o‘rnida, Glilot hududida “Mossad” bosh qarorgohi va Isroil armiyasining bir qancha razvedka bo‘linmalari joylashgan.
Izoh (0)