Қирғизистонда Халқаро миграция ташкилоти (ХМТ) мутахассислари 2020 йилдан 2024 йил апрель ойигача мигрантларнинг ўз ватанига қайтиш ҳолатларини ўрганди.
Тадқиқотга кўра, 2023 йилда Қирғизистонга қайтиб келганлар сони 2022 йилга нисбатан 85 фоизга ошган. Ушбу давр мобайнида 40 та мамлакатдан жами 128 минг 661 нафар муҳожир ўз ватанига қайтган. Бунда Россиядан қайтганлар улуши 88 фоизни ташкил этмоқда. Кейинги ўринларни Туркия (4 фоиз), Қозоғистон (3 фоиз), Жанубий Корея ва Буюк Британия (1 фоиздан) эгаллайди.
Тадқиқотчилар бунинг асосий сабабларини келтириб ўтади. Бу ҳар бир мамлакат учун ўзига хосдир. Агар Россиядан Украинадаги урушга сафарбар этилиш хавфи ёки депортация туфайли чиқиб кетишса, Туркия ва Қозоғистондан эса шартнома муддати тугагани ёки оилавий вазиятларга кўра кетмоқда.
ХМТ тадқиқотида Қирғизистондан келганлар қайси мамлакатларда кўпроқ меҳнат қилаётгани кўрсатилган. Маълум бўлишича, асосий улуш (40 фоиз) Россияга тўғри келади. Ўзбекистонга 32 фоиз, Туркияга 11 фоиз, Қозоғистонга 9 фоиз, Тожикистонга эса 3 фоиз тўғри келади.
Эмиграция афзалликларига тўхталсак, қирғизистонликлар орасида ҳамон Россия (91 фоиз) етакчилик қилмоқда, ундан кейин Туркия — 3 фоиз, Қозоғистон — 3 фоиз, АҚШ ва Жанубий Кореяда эса 1 фоиздан.
Қирғизистон фуқаролари паст даромадлар, иқтисодий имкониятларнинг йўқлиги сабабли иш ва яхшироқ яшаш шароитларини излаб кетмоқда, дейилади тадқиқотда.
Изоҳ (0)