Andres Inyesta futbolchilik faoliyatini yakunlayotganini tasdiqladi.
40 yoshli ispaniyalik futbolchi o‘zi o‘ynagan murabbiylar yarim himoyachi bilan ishlash tajribalari haqida fikr bildirgan videoni e’lon qildi. Videoda Luis Enrike, Lui van Gal, Luis de la Fuente, Pep Gvardiola va Visente del Boske, shuningdek, futbolchining otasi ishtirok etgan.
Inyesta ertaga, 8-oktyabr kuni o‘z faoliyatini yakunlashi haqida rasman ma’lum qiladi.
Inyesta o‘z faoliyati davomida “Barselona”, “Vissel Kobe” va “Emireyts” jamoalarida to‘p surgan.
Kataloniya klubi safida yarim himoyachi 4 marta Chempionlar Ligasini qo‘lga kiritgan, 9 marotaba Ispaniya chempioni unvoniga sazovor bo‘lgan va 6 bor mamlakat Kubogini zabt etgan.
Ispaniya terma jamoasi tarkibida Inyesta 2010-yilgi Jahon Chempionatida g‘alabaga erishgan hamda 2008 va 2012-yillarda Yevropa Chempioni bo‘lgan.
Izoh (0)