Madridning “Real” klubi hujumchisi Rodrigo Goes “Manchester Siti” futbolchisiga aylanishi mumkin, deb xabar bermoqda Ispaniyaning Cadena Ser nashri.
Manbaga ko‘ra, “shaharliklar” bosh murabbiyi Xosep Gvardiola Rodrigoning o‘yin uslubiga ijobiy baholaydi va futbolchining o‘zi ham bu qiziqishdan xabardor. Shuningdek, mankunianlik skautlar mavsumning hal qiluvchi o‘yinida braziliyalik hujumchining o‘yinini tomosha qilish uchun Chempionlar Ligasi finalidan o‘rin olgan “Real Madrid” – “Borussiya Dortmund” o‘yiniga borishadi. Futbolchining o‘zi ham “Manchester Siti”ning APLdagi o‘yini haqida ijobiy fikrda.
Rodrigo 2019-yildan beri “Real”da o‘ynab kelmoqda. Joriy mavsumda braziliyalik futbolchi barcha turnirlarda 50 ta o‘yin o‘tkazib, 17 ta gol urdi va 9 ta golli uzatmani amalga oshirdi. Futbolchining Madrid klubi bilan amaldagi shartnomasi 2028-yilning iyun oyi oxirigacha amal qiladi. Nufuzli Transfermarkt onlayn portali Rodrigoning bozor qiymatini 100 million yevroga baholagan.
Eslatib o‘tamiz, kelayotgan shanba, 1-iyun kuni Madridning “Real” klubi Chempionlar Ligasi finalida Dortmundning “Borussiya”siga qarshi maydonga tushadi. Uchrashuv Londondagi "Uembli" stadionida bo'lib o'tadi.
Izoh (0)