“Манчестер Сити” Пеп Гвардиола кетиш эҳтимоли борлиги учун унинг ўрнига номзодларни кўриб чиқмоқда.
Аввалроқ “шаҳарликлар” “Спортинг” мураббийи Рубен Аморим вариантини кўриб чиқаётгани хабар қилинганди. Гвардиоланинг клуб билан шартномаси мавсум охиригача мўлжалланган.
The Athletic нашрининг хабарига кўра, номзодлар ичида “Байер” бош мураббийи Хаби Алонсо ҳам бор.
Жорий ҳафтада клуб бош директори Ферран Сориано “Сити” ходимларига шошилинч хабар юборган. Унда Cитй Football Group (CФГ) нинг янги режалари ва янги юзлар ҳақида маълумотлар бўлган.
Маълумот учун, Пеп Гвардиола 2016 йилнинг ёзида инглизлар жамоасини қабул қилиб олганди. Гвардиола бошчилигида “шаҳарликлар” тарихда илк бор Чемпионлар Лигасида ғолиб бўлди. 2022—2023 йилги мавсумни “Манчестер Сити” требл билан якунлашга муваффақ бўлди. Испаниялик мураббий билан “шаҳарликлар” 6 марта Англия чемпионлигини қўлга киритди.
“Манчестер Сити” Англия чемпионати турнир жадвалида 7 турдан кейин 17 очко тўплаган ҳолда иккинчи ўринда бормоқда.
Изоҳ (0)