“Manchester Siti” va “Manchester Yunayted” jamoalari Angliya Superkubogi—2024 da to‘qnash keladi.
Uchrashuv 10-avgust kuni “Uembli” stadionida bo‘lib o‘tadi.
“Shaharliklar” Angliya Premyer Ligasining 2023/24-yilgi mavsum g‘olibi sifatida ishtirok etsa, “qizil iblislar” Angliya Kubogi sohibi sifatida finalda o‘ynaydi. “Manchester Yunayted” aynan Angliya Kubogi finalida aynan “Siti”ni mag‘lub etgandi.
“Manchester Siti” o‘z tarixida Angliya Superkubogini 6 marta, so‘nggi bor 2019-yilda qo‘lga kiritgan. Qayd etib o‘tish joiz, Pep Gvardiola jamoasi so‘nggi 3 ta Angliya Superkubogida mag‘lubiyatga uchramoqda.
“Manchester Yunayted” esa mamlakat Superkubogini qo‘lga kiritish bo‘yicha rekordchi (21). Mankunianliklar so‘nggi bor 2016-yilda shohsupaga ko‘tarilgan.
O‘tgan yili Angliya Superkubogida “Arsenal” va “Manchester Siti” o‘zaro to‘qnash kelgan va penaltilar seriyasida londonliklarning qo‘li baland kelgandi.
Izoh (0)