Argentinalik futbolchi Lionel Messi “Real” va “Manchester Siti”ni dunyoning eng yaxshi jamoalari deb atadi.
“Eng yaxshi jamoa — ‘Real’. Chunki ular Chempionlar Ligasining amaldagi g‘olibi.
O‘tgan yillarda ular ‘Manchester Siti’dek eng yaxshi o‘yinlarini ko‘rsatdi. Natijalarga qarasak, ‘Real’ eng yaxshisi. O‘yin jihatidan Pep Gvardiolaning ‘Manchester Siti’si menga yoqadi.
Gvardiola boshqaradigan istalgan jamoa boshqalardan ajralib turadi, deb o‘ylayman.
Futbol jihatidan eng zo‘r jamoa — ‘Manchester Siti’, natijalar jihatidan ‘Real’ eng zo‘ri”, — deydi “Inter Mayami” hujumchisi.
Eslatib o‘tamiz, Messi 2003-yildan 2021-yilga qadar “Real”ning asosiy raqibi “Barselona” safida to‘p surgan. Pep Gvardiola esa 2008-yildan 2012-yilgacha kataloniyaliklar bosh murabbiyi sifatida ishlagan.
Izoh (0)