Yevropa ittifoqi sudining qaroriga ko‘ra, Afg‘oniston fuqaroligiga ega bo‘lgan har qanday ayol integratsiya birlashmasi hududidan siyosiy boshpana olish huquqini beradi.
Qayd etilishicha, Yevroittifoq sudi ikki afg‘on ayolining 2015 va 2020-yillarda Avstriyadan boshpana olishda rad etilgani haqidagi shikoyati ortidan shunday qaror qabul qilgan. Ayollar dastlab Avstriya Oliy maʼmuriy sudiga shikoyat qilishgan, so‘ngra bu masalani Yevropa Ittifoqining oliy sud organi bo‘lmish YI sudiga topshirgan.
Avstriya sudi Afg‘oniston fuqaroligiga ega ayollarni “maxsus ijtimoiy guruh”ga mansub deb hisoblaydi.
Sud qarorida ta’kidlanishicha, muassasa “Tolibon” rejimi ostidagi ayollarning ahvolini inobatga olgan. Sud, shuningdek, agar ayol o‘z vataniga qaytariladigan bo‘lsa, u haqiqatda ta’qiblarga uchrash xavfi mavjudligini isbotlashi shart emas deb hisoblagan.
“Faqat uning millati va jinsini hisobga olish kifoya”, deyiladi qarorda.
YI Adliya sudi ayrim choralarning o‘zi ta’qib qilish ekanligini ta’kidlagan:
“Gap qullikning bir turiga qiyoslanishi mumkin bo‘lgan majburiy nikoh va g‘ayriinsoniy, qadr-qimmatni kamsituvchi muomala shakllari bo‘lgan gender asosidagi zo‘ravonlik va oiladagi zo‘ravonlikdan himoyasizlik haqida ketmoqda”.
“Tolibon” Afg‘onistonda 2021-yil yozi oxirida hokimiyatga kelgan edi. U dastlab ayollarga nisbatan shafqatsiz qoidalar va cheklovlarni tiklash niyatida emasligini ma’lum qilgan.
“Tolibon” bir qator faoliyati uchun hamon BMT sanksiyalari ostida qolmoqda va dunyoning aksariyat davlatlari ularning Afg‘onistondagi kuchini tan olmagan. Yevropa davlatlari mamlakatdagi gumanitar vaziyatdan xavotir bildirgan holda harakat bilan aloqalarni ehtiyotkorlik bilan saqlab qolmoqda.
Izoh (0)