MDH davlatlari va Tolibon razvedka sohasidagi hamkorlikdan o‘zaro manfaatdor. Bu haqida Ostona shahrida bo‘lib o‘tgan MDHga a’zo davlatlar xavfsizlik idoralari va maxsus xizmatlari rahbarlari kengashining 55-yig‘ilishida Rossiya Federatsiyasi Federal Xavfsizlik Xizmati (FSB) direktori Aleksandr Bortnikov aytib o‘tdi.
U, shiningdek, “Tolibon” Afg‘onistonda haqiqiy kuchga ega ekanini va mamlakatni nazorat qilayotganini, ularning harakatlari tartib o'rnatish va barqarorlikni saqlashga qaratilganini eslatib o‘tdi.
Aleksandr Bortnikovning ta’kidlashicha, “Islomiy davlat”ning afg‘on bo‘limi bo‘lgan “Xuroson viloyati”ga qarshi birgalikda kurash olib borish doirasida “Tolibon” harakati bilan aloqalar o‘rnatish muhim.
Bundan tashqari, FXX rahbari MDH mamlakatlarida terrorchilarning potensial tarafdorlarini aniqlash maqsadida “Tolibon” bilan hamkorlikda ish olib borish zarurligini qayd etdi.
Ma’lum qilinishicha, Rossiya “Tolibon”ni terrorchilik tashkilotlari ro‘yxatidan chiqarish masalasini ko‘rib chiqmoqda.
Bu haqda Rossiya prezidentining Afg‘oniston bo‘yicha vakili Zamir Kabulov ma’lum qildi. Uning so‘zlariga ko‘ra, qaror allaqachon yuqori darajada qabul qilingan va tez orada e’lon qilinadi.
Izoh (0)