Ijtimoiy tarmoqlarda “Shahrixonda reklama banneri o‘rnatayotgan odamni tok uribdi” sarlavhali video xabar tarqaldi. Holat yuzasidan “Hududiy elektr tarmoqlari” Andijon hududiy filiali matbuot xizmati izoh berdi.
Aytilishicha, 30-oktyabr kuni Andijon viloyati Shahrixon tumanidagi “Shodlik” elektr uzatish tarmog‘ining 10 kV havo tarmog‘i yonida joylashgan reklama taxtasida hech qanday ogohlantirishlarsiz fuqaro tomonidan banner yopishtirilayotgan vaqtda fuqaroni tok urgan.
Viloyat Favqulodda vaziyatlar boshqarmasi tezkor guruhi tomonidan fuqaro qutqarib olindi va markaziy shifoxonaga yuborildi. Ayni vaqtda ushbu fuqaroning holati yaxshi, shifokor nazoratida ekanini ma’lum qilamiz, deyiladi izohda.
Hozircha holat yuzasidan huquqni muhofaza qiluvchi idoralar izoh bergani yo‘q.
Izoh (1)
Xali 30 oktabr kemadiyu