Toshkent shahri Mirzo Ulug‘bek tumanida 11 yoshli bolani poyezd vagoni ustida yuqori kuchlanishli elektr toki urdi.
Ma’lum qilinishicha, mazkur holat 18-dekabr kuni soat 16:10 da sodir bo‘lgan. Bola buning oqibatida poyezd ustidan yerga yiqilib tushgan.
“Xabarga ko‘ra, Nurhayot temiryo‘l bekatidagi yuk vagonlarining ustiga chiqqan voyaga yetmagan o‘smir tok urishi oqibatida og‘ir tan jarohati olgan”, — deydi mutasaddi inspektor Saidakbar Nurmuhammedov.
Mutaxassis Anvar Saidxo‘jayevning aytishicha, bola yerga yiqilib tushgach, temiryo‘lchilar unga birinchi tez yordamni ko‘rsatgan. Shundan so‘ng Chilonzor tumanidagi 16-sonli shifoxonaga yotqizilgan.
“Markazimizga 18-dekabr kuni 11 yoshli o‘smir olib kelingan. Bemorning ahvoli juda og‘ir edi. Tananing 80 foizi kuygan. Hozirda uning ahvoli yaxshilangan va stabil holatda”, — deydi kombustiologiya bo‘limi mudiri Sobir Shukurov.
Mavzuga doir: Sirdaryoda transformator ostiga kirib qolgan kuchukni olmoqchi bo‘lgan 2-sinf o‘quvchisini tok urdi
Izoh (0)