Toshkentda poyezd vagoni ustiga chiqib, rasmga tushmoqchi bo‘lgan 18 yoshli yigitni 27 ming voltli tok urdi. Bu haqda “Millar” dasturida ma’lum qilindi.
Xabarda aytilishicha, voqea 20-sentabr kuni soat 19:05 da “Hamza” stansiyasida sodir bo‘lgan.
Yigit elektr toki urib, yerga yiqilgan. Voqea joyiga yetib kelgan stansiya xodimlari jabrlanuvchiga birinchi tibbiy yordam ko‘rsatgan va tez yordam chaqirilgan.
Yigit tanasining 98 foizi tok urishi natijasida kuygani va hozirda ahvoli og‘ir ekani aytilmoqda. Huquq-tartibot idoralari xodimlari surishtiruv ishlarini olib bormoqda.