NATO bosh kotibi Yens Stoltenberg Rossiya prezidenti Vladimir Putinning yadroviy doktrinaga doir nutqini xavfli ritorika deb atadi.
Uning so‘zlariga ko‘ra, Moskva doktrinani qayta ko‘rib chiqish orqali alyans a’zolarini qo‘rqitmoqchi.
“Rossiyaning yadroviy ritorikasi xavfli va ehtiyotsizlikdir. Biz Rossiya nima qilayotganini diqqat bilan kuzatib boryapmiz”, dedi Stoltenberg o‘z nutqi chog‘ida.
Putin 25-sentyabr kuni Rossiya Xavfsizlik kengashining yadroviy qurollarni jilovlash bo‘yicha doimiy yig‘ilishidagi nutqida yadroviy doktrinaning o‘zgarishini istisno qilmagan edi. Shu bilan birga, hozirda yadroviy quroldan foydalanish haqida “hatto o‘ylash”ning hojati yo‘qligini aytdi.
Rossiya agressiya paytida yadro qurolidan foydalanish huquqini o‘zida saqlab qoladi, shu jumladan, dushman oddiy qurollardan foydalangan holda “kritik tahdid” yuzaga keltirsa ham, dedi Putin.
Hujjatning yangilangan tahririda har qanday yadroviy bo‘lmagan davlatning Rossiyaga qarshi tajovuzi, agar u “yadroviy davlat ishtirokida yoki qo‘llab-quvvatlashi bilan” sodir etilsa, uni Rossiyaga qarshi qo‘shma hujum sifatida baholash taklif etilmoqda.
Putinga ko‘ra, yangilangan yadro doktrinasi loyihasida yadroviy tiyib turish siyosati olib boriladigan davlatlar va harbiy ittifoqlar toifasi kengaytiriladi.
Izoh (0)