Rossiyada tojikistonlik tanishini o‘ldirib, uning yuragini sabzavot bilan qovurib yegan volgogradlik Dmitriy Malishev Ukrainadagi urushga yuborildi. Bu haqda v1.ru xabar berdi.
Malishev bundan 10 yil oldin qotillik sodir etgan. U odam yuragidan ovqat tayyorlayotganini videoga olgan. Shu va boshqa jinoyatlari uchun u 25 yilga qamoq jazosiga hukm qilingan. Biroq, u hozirda “maxsus operatsiya zonasi”da (urushda) bo‘lib, u yerda yana bir mashhur jinoyatchi — manyak Voljskiy Aleksandr Maslennikov bilan uchrashgan.
Maslennikov 2017-yilda zo‘rlash va talonchilik uchun jazoni o‘tayotgan koloniyadan ozod qilingan. U ikki qizni shafqatsizlarcha o‘ldirib, jasadlarini bo‘laklarga bo‘lib, Pushkin ko‘chasidagi o‘rmonga ko‘mgan. Mazkur jinoyatlari uchun Maslennikov 23 yillik qamoq jazosiga hukm qilingan.
Malishev urushga Rossiyaning an’anaviy qadriyatlarini saqlab qolish tufayli borganini aytmoqda. Uning so‘zlariga ko‘ra, urushda yaralangan va hozirda kasalxonada.
Izoh (0)