Yaponiya Xitoy, Hindiston, BAA va O‘zbekiston kompaniyalariga Rossiyaga qarshi sanksiyalarni chetlab o‘tgani uchun sanksiyalar joriy qiladi. Bu haqda Yaponiya hukumati bosh kotibi Yosimasa Xayasi xabar berdi.
Sanksiyalarga kelsak, mamlakatimiz Rossiyaga qarshi sanksiyalardan qochish yoki chetlab o‘tishga urinishlarga qat’iy munosabatda bo‘lishni muhim deb hisoblaydi. Biz Ushbu sammitda uchinchi davlat tashkilotlariga qarshi sanksiyalarni o‘z ichiga olgan paketni ko‘rib chiqayotganimizni ma’lum qildik. Xitoy, Hindiston, BAA, O‘zbekiston, Qozog‘iston kompaniyalari, — deydi Xayasi.
Yaponiyalik siyosatchi, shuningdek, hukumat hozirda Rossiyaga qarshi yangi sanksiyalar paketi tafsilotlarini kelishishning yakuniy bosqichida ekanini va tez orada uni rasman e’lon qilish rejalashtirilayotganini ma’lum qilgan.
Avvalroq Yaponiya hukumati sanksiyalar ro‘yxatini kengaytirish va unga Rossiyaga nitrosellyuloza yetkazib berishda yordamlashayotgan uchinchi mamlakatlar kompaniyalarini kiritish bilan tahdid qilgan. Xitoy kompaniyalari cheklovlarga duchor bo‘lgan. Shuningdek, may oyida Yaponiya Rossiya va Belarusga qarshi sanksiyalar kiritgan edi. Rossiyaning to‘qqiz kompaniyasi va bir jismoniy shaxs sanksiyalar ro‘yxatiga kiritilgan.
Izoh (0)