36 yoshli britaniyalik qo‘shiqchi Adel Myunxenda bo‘lib o‘tgan navbatdagi konsertida kutilmaganda musiqiy faoliyatida tanaffus qilmoqchi ekanini ma’lum qildi. Bu haqda Yahoo’ga tayanib “Lisa.ru” xabar bermoqda.
Xonanda konsert shousida tovuqlar yetishtiriladigan fermaga ko‘chib o‘tishni orzu qilishini tan oldi. Yulduzning hozirda uchta uy hayvoni — zotdor itlari bor. Qo‘shiqchining so‘zlariga ko‘ra, u tabiatga yaqin bo‘lish hamda hayvonlar bilan muloqot qilish maqsadida ularga ko‘proq vaqt ajratishni istaydi. Shu sababli Los-Anjelesdagi katta uyini fermaga aylantirishga qaror qildi.
Adel bunday kutilmagan qarorini odamlardan charchagani bilan izohladi.
“Atrofimdagi insonlar mening asab tolalarimni chertadi”, deydi xonanda.
Bundan tashqari, Germaniyada bo‘lib o‘tgan konsert oxirida Adel tabassum bilan pandaga aylanib qolishni istashini qo‘shimcha qildi.
Izoh (0)