“Qo‘rg‘on sirlari”ning uchinchi mavsumiga tayyormisiz? Insayderlarning aytishicha, loyihada juda ko‘p o‘zgarishlar bo‘ladi. Ba’zilarning ta’kidlashicha, biz yana Seyranning Feritdan ajralishini, bir-birlariga bo‘lgan alamli nafratini va serialning barcha qahramonlari yengib o‘tishi kerak bo‘lgan ko‘plab to‘siqlarni ko‘ramiz.
1. Seyranning yangi soch turmagi saraton kasalligiga chalinganiga ishora
“Qo‘rg‘on sirlari” uchinchi mavsumining fotosuratlari internetda paydo bo‘lgandan so‘ng, ko‘plab muxlislar Afra Saracho‘g‘luning kalta soch turmagidan hayratda qolishdi. Suratga olish guruhini kimyoterapiya o‘tkaziladigan klinika oldida ko‘rganlaridan keyingina buning sababi ma’lum bo‘ldi. Bundan Seyranning kasalligi haqida taxmin qilish mumkin.
Ba’zi insayderlar boshqacha taxminni ilgari surmoqda. Ular Seyran Ferit bilan ajrashgandan so‘ng uzun sochlari unga sobiq erini eslatmasligi uchun kare qilib kestirganini yozishgan. Bu haqiqatmi yoki yo‘qmi, hozircha aniq emas.
2. Xolis og‘a xarob bo‘ladi
Bu ma’lumot ham shunchaki taxmin, lekin Ifakat Xolis og‘aning kompaniyasiga rahbar bo‘lganidan keyin bun narsaga xayron qolmasa ham bo‘ladi. Og‘ir ahvolga tushib qolgan Ko‘rxonlar oilasi ularni avvalgi buyukligini tiklashga yordam beradigan yo‘llarni izlashga majbur bo‘ladi. Hozir ba’zilar Ferit Diyorning hayotda paydo bo‘lishi aynan bobo o‘z muammolarini Seyran bilan ajrashgan nabirasi hisobiga hal qilishga urinib ko‘rishi bilan bog‘liq bo‘lishi mumkinligini taxmin qilishsa ajab emas.
3. Ferit pul uchun Diyorga uylanishga majbur bo‘ladi
Albatta, Seyran va Feritning g‘ayrioddiy sevgisini hech kim rad etmaydi, ular xato qilishsa ham bir-birlariga intilishda davom etadi. Biroq aktrisa Pelin Akilning “Qo‘rg‘on sirlari” loyihasida ishtirok etishi tasdiqlangan va u bosh qahramonning yangi sevgilisi bo‘lishi mumkin. Uning oilasi boy, shuning uchun bobosining imperiyasini saqlab qolish Feritning asosiy maqsadi, u bobosi o‘rniga biznesni o‘z zimmasiga oladi va uyushtirilgan nikohga rozi bo‘ladi.
Ammo internetda Pelinga nisbatan nafrat allaqachon paydo bo‘lgan va ijtimoiy tarmoqlarda SeyFerni qo‘llab-quvvatlash kampaniyasi boshlangan.
4. Abidin va Ayshen nikohlarini to‘xtatadi
Serialda Shefikaning qizi Feritning haydovchisi bilan xayrlashib, undan uzoqroqqa ketish uchungina paydo bo‘ladi. Beril Pozam va Ersin Arijining haqiqiy hayotdagi to‘yidan so‘ng, ularning qahramonlari uchun hikoya sezilarli o‘zgarishlarga duch kelishi mumkin.
5. Suna va Abidin turmush qurishlari mumkin
Agar Ayshenning Abidin bilan ajrashishi haqidagi xabar haqiqat bo‘lib chiqsa, Sunaning sobiq sevgilisi bilan unashtirishi, keyin esa ularning to‘yi bo‘lishi kutilmoqda. Bu taxminni qo‘llab-quvvatlaydigan dalillar ham mavjud. Birinchidan, birinchi sahna Suna, Seyran va Abidin ishtirokida suratga olindi. Ikkinchidan, bir oz keyinroq saytda paydo bo‘lgan retro avtomobil to‘y kortejiga juda o‘xshaydi.
6. Seyran va Ferit ajrashadi
Ko‘pchilikni xafa qiladigan spoyler, afsuski, haqiqatga juda yaqin taxmin. Xo‘sh, ikki yildan keyin nima o‘zgaradi? Bunga sabab nima bo‘ladi, buni endi serailning 3-mavsumini tomosha qilib bilib olamiz.
7. Xattuch Ifakat tomonidan zaharlanadi
Shuni unutmangki, qasrning hozirgi egasi va Kozimning xolasi shuhratparast Ifakat uchun haqiqiy to‘siq. Bir vaqtlar Xolis og‘aning birinchi xotinini o‘ldirgan ayol uchun ikkinchisini ham tinchitish qiyin bo‘lmaydi. Bu Ifakatga qo‘rg‘on va oila a’zolari ustidan nazoratni qo‘lga kiritishi uchun kerak. Bundan tashqari Xolis og‘aning uchinchi mavsumda o‘lishi aytilmoqda, bu serial uchun xotima bo‘lishi kerak.
8. Esmaning yoshligi haqidagi dahshatli sir ochiladi
Ha, ikkinchi mavsumdagi suhbatlardan birida Kozim xotini tashqi tomondan ko‘ringanidek sodda emasligini ta’kidlaydi. Bu insayderlarni ham, muxlislarni ham Seyranning opasi — Suna Kozimning qizi emasligiga ishora qiladi. Shuningdek, otasining qizga nisbatan sovuqqonligini va unga nisbatan qattiqqo‘lligini izohlaydi. Kim biladi, balki ayol ularga Sunaning haqiqiy otasini tanishtirar?
Izoh (0)