Bir serialda suratga tushib, keyin turmush qurgan turkiyalik mashhur juftliklar (foto)

“Qo‘rg‘on sirlari” serialidagi Beril Pozam va Ersin Arijining shov-shuvli to‘yidan so‘ng, suratga olish maydonchasida tanishib, oila qurgan turk aktyorlari haqida gaplashamiz.

O‘zge Gurel va Serkan Chayo‘g‘lu

Serkan Chayo‘g‘lu va O‘zge Gurel haqiqiy sevgi hech qanday to‘siq bilmasligini isbotladi, chunki “Olcha mavsumi” serialida suratga tushgandan keyin munosabatlarni boshlagan juftlik ma’lum muddatga ajralishgandi, lekin oxir-oqibat ular turmush qurishdi. Sevishganlar o‘rtasida yuzaga kelgan ba’zi tushunmovchiliklar vaqt o‘tishi bilan hal qilindi, shu sabab muxlislar 2022-yil iyul oyida ajoyib to‘yga guvoh bo‘lishdi. O‘zge va Serkan bir-birini mukammal tarzda to‘ldiradi, barcha vaziyatda bir-birlarini qo‘llab-quvvatlaydi va, albatta, sevgilari haqida gapirishdan tortinmaydi. 

Beril Pozam va Ersin Ariji

Ma’lum bo‘lishicha, Beril va Ersin o‘rtasidagi munosabatlar 2023-yilning yozida, loyihaning birinchi mavsumi ustidagi ishlar yakunlangan paytda boshlangan. Yulduzlar hech qachon munosabatlarini tasdiqlamagan, lekin ularning sevgisi juda tez rivojlandi. 2024-yil avgust oyining boshida to‘y haqidagi mish-mishlar tarqala boshladi, lekin bunga hech kim ishonmadi. Oxir-oqibat 2024-yil 19-avgustda Ersin Ariji va Beril Pozam rasman turmush qurishdi.

Burak O‘zchivit va Fahriye Evjen

Burak O‘zchivit va Fahriye Evjen “Choliqushi” serialining suratga olish maydonchasida tanishgan. Avvaliga aktyor bo‘lg‘usi rafiqasini “Sevgi senga o‘xshaydi” filmida rol o‘ynashga taklif qiladi, keyin esa... Fahriye Evjen uning qarori jiddiy ekanini anglaydi va tezda ota-onasi bilan tanishtiradi. 2017-yil 29-iyun kuni internetda uzoq vaqt davomida muhokama qilingan dabdabali to‘y bo‘lib o‘tadi. Ikki yil o‘tgach, yosh oila Karan ismli o‘g‘il ko‘radi.

Berguzar Korel va Halit Ergench

Halit va Berguzar oldin ham uchrashishgan: restorandagi tasodifiy uchrashuv ularning munosabatlaridagi boshlang‘ich nuqta edi, o‘sha paytdayoq Ergench aktrisaga maftun bo‘ladi. Taqdir taqozosiga ko‘ra aktyorlar yana uchrashishadi, lekin bu safar “Ming bir kecha” serialining suratga olish maydonchasida. Ammo bu paytda aktyor oilali edi, yuragiga buyruq berolmagan erkak rafiqasi bilan ajrashadi. Natijada 2009-yilda Berguzar bilan turmush quradi.

Neslihan Atagul va Kadir Dog‘ulu

Kadir va Neslihan 2013-yilda “Ishq sohillari” serialining suratga olish jarayonida tanishgan. Ular loyiha ustida ishlayotgan vaqtlarida juda yaqin bo‘lib ketishadi, hatto yoshlari o‘rtasidagi 10 yillik farq ham bunga xalaqit bermaydi. Hammasi juda tez sodir bo‘ladi, lekin aktyorlar uch yildan so‘ng — 2016-yilda turmush qurishadi. Garchi turk matbuoti ularning munosabatlariga janjal va g‘iybat bilan soya solishga harakat qilgan bo‘lsa-da, Kadir Do‘g‘ulu va Neslihan Atagul doim birga. Hozirda esa er-xotin farzand kutmoqda, bu ularning muxlislari uchun quvonchli xabar bo‘ldi.