Gideon Lustig Isroilning O‘zbekistondagi favqulodda va muxtor elchisi etib tayinlandi. Bu haqda elchixona matbuot xizmati ma’lum qildi.
27-avgust kuni u O‘zbekistondagi yahudiy jamoalar rahbarlari bilan uchrashdi.
“Toshkentdagi birinchi haftamdagi ustuvor vazifalardan biri mahalliy yahudiy jamoalari rahbarlari bilan uchrashish edi. Vladimir Shapira va Arkadiy Isaxarovga iliq qabul uchun minnatdorchilik bildiraman. Yahudiy jamoalari men uchun har doim uydan tashqari uydir” — dedi Gideon Lustig
Gideon Lustig O‘zbekiston bilan bir qatorda Tojikistonda ham diplomatik missiyasini bajaradi. Elchi etib tayinlanishidan avval 2022-yildan buyon Isroil Tashqi ishlar vazirligi siyosiy direktori shtab boshlig‘i lavozimida faoliyat yuritgan.
2020-yildan buyon Isroilning O‘zbekistondagi elchisi bo‘lgan Zeavit Ben-Hillel 2024-yilning iyulida o‘z missiyasini yakunlagan edi.
Izoh (0)