Fransiyalik mutaxassis Tyerri Anri futbol bo‘yicha Fransiya Olimpiya terma jamoasi bosh murabbiyligini tark etdi.
Anri “shaxsiy sabablarga ko‘ra” bitimni buzishga qaror qildi, deya xabar bermoqda Fransiya futbol federatsiyasi.
Parijda bo‘lib o‘tgan Olimpiadada Anri boshchiligidagi Fransiya kumush medalni qo‘lga kiritdi. Hal qiluvchi bahsda ular Ispaniyaga 3:5 hisobida mag‘lub bo‘ldi.
Anri faoliyati davomida “Monako”, “Monreal Impakt” va Fransiya U-21 terma jamoalarida bosh murabbiy bo‘lib, “Arsenal” klubining murabbiylar shtabida hamda Belgiya terma jamoasida bosh murabbiy yordamchisi sifatida ishlagan. 2024-yilda esa Fransiya Olimpiya terma jamoasini boshqardi.
Izoh (0)