Fransiya terma jamoasi hujumkor yarim himoyachisi Antuan Grizmann JCH—2022 chorak finali doirasida kechgan Angliyaga qarshi o‘yinda (2:1) ikkita golli uzatma amalga oshirdi.
“Atletiko” vakili birinchi bo‘limda Orelyen Tchuamenining goliga hammuallif bo‘lgan bo‘lsa, ikkinchi bo‘limdagi Olivye Jiruning goliga ham assistentlik qildi.
Bu orqali Antuan Fransiya terma jamoasi safidagi assistlari sonini 28 taga yetkazib oldi. Bu terma jamoaning kamida so‘nggi 50 yillik tarixidagi rekord natija hisoblanadi. Undan avval golli uzatmalar statistikasi yuritilmagan.
Antuan bu borada Tyerri Anri va Zinedin Zidanni ortda qoldirdi. Har ikki futbolchida 26 tadan assist bor edi.
Izoh (0)